Zëdhënësi i Qeverisë, Përparim Kryeziu, ka thënë se propozimi i kryeministrit Albin Kurti për Asociacionin është gjithëpërfshirës dhe sipas tij diskutimet duhet të fillojnë sa më parë mbi këtë bazë, raporton teve1.info
Kryeziu në një përgjigje për Teve1 ka thënë se propozimi i kryeministrit Kurti, është propozim vleror, që ruan kohezionin e brendshëm, është gjithëpërfshirës dhe nuk e lë askënd prapa.
“Ekipi menaxhues u dekomisionua përfundimisht sot me vendimin e ministrit Krasniqi për t’i liruar nga detyra anëtarët e këtij ekipi që derivonin nga marrëveshjet e vitit 2013 dhe 2015. Dje në Bruksel Kryeministri Kurti ka paraqitur vizionin e tij për nenin 7 të Marrëveshjes Bazë, që është propozim vleror, që ruan kohezionin e brendshëm, është gjithëpërfshirës dhe nuk e lë askënd prapa, dhe ne besojmë që është mirë që sa më parë të fillojmë diskutimet mbi bazën e propozimit tonë”, ka thënë Kryeziu.
