Kryetarja e sapozgjedhur e një qyteti në Gjermaninë perëndimore u gjet me plagë kërcënuese për jetën të martën, raporton AP.
Iris Stalzer u zgjodh kryebashkiake e Herdecke më 28 shtator. Ajo është anëtare e Social Demokratëve të qendrës së majtë, partia e vogël në qeverinë kombëtare të udhëhequr nga konservatorët e Gjermanisë.
Stalzer u gjet në shtëpinë e saj me plagë kërcënuese për jetën pak para orës 13:00 të martën, thanë policia dhe prokurorët në një deklaratë. Ajo u dërgua në spital me helikopter.
Ata nuk komentuan mbi natyrën e plagëve, por kreu i grupit parlamentar të Social Demokratëve në Berlin, Matthias Miersch, u tha gazetarëve se “dëgjuam pak minuta më parë se kryetarja e sapozgjedhur e bashkisë Iris Stalzer u godit me thikë në Herdecke”.
Merz shkroi në mediat sociale se “kemi frikë për jetën e kryebashkiakes së zgjedhur Iris Stalzer dhe shpresojmë për shërimin e saj të plotë”.
Herdecke është një qytet me rreth 23,000 banorë në rajonin Ruhr të Gjermanisë perëndimore, midis qyteteve të Hagen dhe Dortmund.
