Kryetari i Komunës së Zubin Potokut, Izmir Zeqiri, tha se do të marrë pjesë në një takim me ambasadorin amerikan në Kosovë, Jeffrey Hovenier, dhe përfaqësues të tjerë diplomatikë.
Zeqiri tha se takimi do të mbahet në orën 9:00 në zyrën e Bashkimit Evropian në Prishtinë.
I pyetur nëse gjatë ditës do të shkojë në zyrën e tij në objektin e Komunës së Zubin Potokut, Zeqiri tha se nuk mund ta dijë tani për tani, shkruan REL.
“Nuk e di nëse do të shkoj në zyrë sot. E kam agjendën shumë të ngjeshur. Ta shohim gjatë ditës”, tha Zeqiri, i cili vjen nga Partia Demokratike e Kosovës në opozitë.
