Në një lidhje direkte në “Info Nata” në Tëvë1, ai ka paralajmëruar protesta nga punëtorët e këtij sektori në rast se nuk realizohen kërkesat e tyre.
Azemi thotë se duke parë situatën e krijuar nga grevat në sektorin publik dhe në sistemin arsimor, nuk kanë dashur “ta trazojnë gjendjen aktuale” duke bërë protesta.
“Realisht të themi të jem i sinqertë nuk kemi dashur të trazojmë gjendjen aktuale dhe në fillim kemi thënë se do të presim daljen nga greva të BSPK që në një formë mos ta rëndojmë Qeverinë as BSPK dhe normal ne jemi në përgatitje e sipër që ndoshta momentin kur të përfundojë greva e BSPK jemi në përgatitje për disa protesta pasi që çështjen e grevave po e shihni se sektori publik çfarë është duke u bërë me ta po them që do të bëjmë protesta, por jo greva sepse nuk e duam që për një muaj të bëjmë këto çka u bë që mendojmë që fund e krye faji është te Qeveria pasi që nuk po lëvizin dy palët”, tha ai.
I pyetur se a presin që kërkesat e tyre të realizohen, Azemi thotë se nga ajo që po shihet është se Qeveria është pak e interesuar t’i dëgjojë problemet e tyre.
“Realisht nga kjo që po shihet vërtetë përderisa pothuajse në Kosovë jemi 1 muaj grevë po shihet që pala tjetër është shumë pak e interesuar për zgjedhjen e problemeve do të jemi të kujdesshëm në veprimet tona e kam thënë më herët nëse dikush ka nevojë për protesta jemi ne pasi që sot në Kosovë kemi punëtorë që marrin pagë deri 170 euro dhe jemi më të diskriminuarit por megjithatë përderisa është trumbetuar nga qeveritarët edhe në të kaluarën se gjendja e sektorit privat do të përmirësohet realisht e pata në debat edhe një deputet e pyeta a ka diçka që na thuhet se është bërë përmirësimi i kushteve për sektorin privat në Kosovë”, shtoi ai.
Kjo sindikatë kërkon nga Qeveria stimulimin e punëtorëve të sektorit privat. /teve1.info/