Kjo sipas tij, do të duhej të ishte shqetësuese për shtetin, pasi që nuk është normale që të ketë kaq shumë sulme ndaj përmbaruesve.
“Ne kemi pasur probleme të shumta, mos të harrojmë edhe një gjë tjetër, ne si përmbarues në punën tonë çka do të duhej të ishte shqetësuese për shtetin është fakti se kemi kanosje të shpeshta, kemi sulme verbale, sulme fizike. Ne jemi 41 përmbarues aktualisht në Kosovë, nuk bëhet një muaj pa pas një përmbarues një problem diçka, një kanosje, dhunë verbale, sulme fizike, shantazhe mediale. Shantazhe mediale që na stigmatizojnë, përmbaruesit janë hajna, përmbaruesit janë kriminelë, ata po vjedhin dhe kjo sigurisht ndikon për të keq në punën tonë. Nëse dikush ka fakte ose prova janë organet që duhet të paraqiten, por jo përmes mediave të sulmohet dikush vetëm pse po ka sukses. Janë mbledhur deri më tani ndoshta mbi 300 milionë euro të kërkesave të kreditorëve dhe janë shpërndarë tek ta dhe tash gjithë ky sukses duhet të përkthehet në sulm, kjo është çmenduri”, tha ai në emisionin “De Jure” në Tëvë1.
Për më shumë, ndiqeni emisionin “De Jure”, me temën “Sfidat e përmbaruesve privatë”, i cili transmetohet në Tëvë1 dhe “Betimi për Drejtësi”.
