Kryetari i Komunës së Gjilanit, Alban Hyseni në një tubim publik, ka prezantuar punën 6 mujore të këtij viti. Para qytetarëve, Hyseni numëroi dhjetëra projekte të finalizuara.
Pasditen e së dielës qytetarë të Gjilani filluan të tubohen para teatrit të qytetit.
Tubimit iu bashkua edhe kryetari i komunës së Kamenicës Kadri Rahimaj.
I gjithë ky organizim u bë për t’u prezantuar puna gjashtë mujore e kryetarit të Gjilanit, Alban Hyseni.
E pasi u tubuan të gjithë ata të cilët donin të dëgjonin për angazhimin e kryetarit, erdhi edhe vet Hyseni i shoqëruar nga drejtorët e tij dhe asamblistët e Lëvizjes Vetëvendosje.
Një nga një për 1 orë rresht, Alban Hyseni prezantoi projektet e tij.
Fjale miradije patën edhe pjesëmarrësit.
E së fundmi, për rrugën Gjilan-Bujanovc, shkroi edhe kryeministri i vendit Albin Kurti. Përfundimi i këtij projekti, sipas Kurtit e kryetarit Hyseni, pritet të jetë fundi i shtatorit.
