Drejtori i Asociacionit të Komunave të Kosovës, Sazan Ibrahimi, thotë se kryetarët e komunave kërkojnë ballafaqim me Qeverinë e Kosovës.
Në kuadër të kësaj kërkese, Ibrahimi ka bërë të ditur se një gjë e tillë u kërkua për të adresuar temat, shqetësimet, nevojat dhe kërkesat e tyre, shkruan teve1.info.
“Kryetarët e komunave kërkojnë ballafaqim me Qeverinë e Kosovës. Për të adresuar temat, shqetësimet, nevojat dhe kërkesat e Komunave të Kosovës, Kryetarët e Komunave kërkojnë takim me Qeverinë e Kosovës”, ka njoftuar Ibrahimi.
Derisa, ka listuar temat e mundshme në takimin e tyre të përbashkët.
- Tatimi në pronë – Ligji i ri për tatimin në pronë si dhe mundësia e faljes së 100 euro përmes ligjit
- Procedurat e rekrutimit në shërbimin publik
- Të hyrat vetanake dhe buxheti për Komunat
- Pronat e administruara nga Agjencia Kosovare e Privatizimit dhe nga Agjencia e Pyjeve e që mund të jenë në interes të komunave
- Grantin e Katërt për Komunat, procedimin e ligjit për financa lokale.
Ibrahimi thotë se kjo kërkesë, në emër të Bordit të Asociacionit të Komunave të Kosovës, njëherit edhe Kryetari i AKK-së, Agim Aliu, është adresuar tek kryeministri i vendit, Albin Kurti.
“Ka kërkuar një takim mes Qeverisë së Kosovës dhe Kryetarëve të Komunave për të debatuar temat dhe çështjet që preokupojnë aktualisht Komunat e Republikës së Kosovës”, thuhet tutje./teve1.info/.