Në emisionin “Info Nata” në Tëvë, Osmani tregon se tashmë kanë dërguar në Qeveri gjashtë kërkesat e tyre, ndër to edhe pensionin familjar.
Ai tregon se që nga paslufta, katër minatorë kanë vdekur në vend pune në miniera, duke thënë se kanë kërkuar që familjarët e tyre të kenë një rrogë të plotë.
“Jo s’janë kompensuar, tash ne e kemi një kërkesë në Qeveri dhe i kemi shkru edhe ministres, edhe drejtorit për monitorim edhe bordit. Ne ia kemi dërguar 6 kërkesa ndër to edhe pensioni familjar. Edhe kemi kërkuar nga paslufta kemi pasur raste tragjike 4 që kanë vdekë në vend të punës kur shembet dheu, në vend të punës e zë minatorin e mbyt në vend, kanë ndodhë dy në Trepçë dhe dy në Kishnicë, pas lufte mirëpo familjarët e tyre nuk gëzojnë kurrfarë drejte”, shtoi ai.
Tutje, ai ka treguar pikat tjera të kërkesave që kanë kërkuar, duke përmendur edhe sigurimin shëndetësor dhe njohjen e stazhit të punës gjatë viteve 1989-1999.
“Shiko ne kemi kërkuar si pika e parë me i njoftë njohjen e stazhit të viteve 89-99 që na kanë larguar nga puna pa fajin tonë kemi hyrë në grevë për çështje kombëtare që nuk nuk ka qenë grevë për arsye sociale, por politike d.m.th minatorët nuk i kanë kërkuar të drejtat e veta por për mbrojtjen e shtetit. Kemi kërkuar me na u njoftë 10 vitet përvojë pune dhe pensionin me 70 për qind të pagës. E kemi kërkuar moshën ose 50 ose 55 vjeçare në rajon është kjo mosha e pleqërisë. Kemi kërkuar sigurim shëndetësor, pensionin familjar, invalidor, këto pikat kryesore që janë të arsyeshme dhe janë të mundshme”, shtoi ai.
Po ashtu, kryesindikalisti thotë se gjatë gjithë kohës nga qeveritë paraprake por edhe ajo aktuale kanë marrë premtime se do të përmirësohet gjendja në minierën e Trepçës – por që nuk ka ndodhur diçka në këtë drejtim./teve1.info/
