Gjatë vitit 2023 është rekomanduar suspendimi i 71 punonjësve policorë të grave të ndryshme për përfshirje në vepra kriminale.
Kështu ka bërë të ditur kryeshefi ekzekutiv i Inspektoratit Policor të Kosovës, Kushtrim Hodaj.
Hodaj tha se gjatë vitit të kaluar kanë hetuar 178 të dyshuar, prej tyre 156 punonjës policorë dhe 22 qytetarë që kanë qenë në raste të përbashkët me zyrtarët policorë.
“32 për qind të këtyre ankesave i kemi orientuar për hetim penal. Jemi angazhuar Në parandalimin dhe luftimin e krimit dhe keqmenaxhimit. Kemi hetuar 178 të dyshuar, prej tyre 156 punonjës policor dhe 22 qytetarë që kanë qenë në raste të përbashkëta me zyrtarët policor. Kemi ngritur 74 kallëzime penale ndaj të dyshuarve, kemi arrestuar 35 punonjës dhe qytetarë. Kemi rekomanduar suspendimin e 71 punonjësve policor të gradave dhe niveleve të ndryshme”, ka thënë ai gjatë raportimit në Komisionin për Çështje të Sigurisë dhe Mbrojtjes për raportin vjetor të punës për vitin 2023. /teve1.info/
