E janë disa faktorë sipas psikiatrit Ferid Agani pse të miturit përfshihen në vepra të tilla.
“Jemi dëshmitarë të rritjes së dhunës në familje dhe kjo dhunë në familje ndikon në zhvillimin e fëmijëve dhe të nesërmen e këtyre fëmijëve. Dhe ata kur dalin nga korniza familjare manifestojnë sjelljet e gabuara të mësuara nga prindërit. Kjo është faktori kryesor që e determinon paraqitjen e kësaj dukurie”, ka thënë Agani për Tëvë 1
E si ky rast, sipas psikiatrit Ferid Agani pritet të ndodhin edhe më tutje.
“Këto raste tash që po i shohim janë raste tejet të papritura por për fat të keq duhet të jemi shumë koshient se do t’i shohim në periudhën e ardhshme kohore. Është e domosdoshme të marrim masa të menjëhershme si në rrafshin individual, social…”, tha ai.
Por dhuna në familje nuk është faktori i vetëm që po ndikon në kryerjen e veprave të tilla.
“Këto vijnë si pasojë e problemeve të ndryshme socio-ekonomike, problemeve familjare, me shëndetin mendor e janë edhe disa faktorë të tjerë të cilët i shtyjnë të ndodhin këto. Është edhe gjenetika apo afiniteti me qenë kriminel”
Sipas Xërxës, tek të rinjtë ka akumulim të mllefit dhe urrejtjes i cili është i pakontrolluar dhe po shpërfaqet në forma të dhunës, duke ardhur deri tek rastet fatale si rasti me të riun në Podujevë.
