Kuvendi Komunal i Prishtinës e ka miratuar propozim-vendimin për kompensimin e Elza Ujkanit, e cila ishte lënduar nga rënia e kulmit të objektit të komunës së re të kryeqytetit.
Asambleistët e Prishtinës i kanë ndarë rreth 100 mijë euro për Ujkanin, kjo si ndihmë për shërimin e saj jashtë vendit.
Lidhur me këtë, kryetari i kryeqytetit, Përparim Rama ka thënë se kompensimi është në të mirë të shëndetit të Ujkanit.
“Ka të bëj rreth përmirësimit të shëndetit të zonjushës Ujkani e cila sot është me ne, kështu që propozimi është për të vazhduar shërimi”, ka deklaruar Rama.
Elza Ujkani ishte lënduar nga rënia e kulmit të objektit të Komunës së Prishtinës në “Arbëri” më 18 janar./teve1.info/
