Kryendeshja në Gjilan dhe sfidat Suharekë e Prizren janë ndeshjet e radhës, por edhe të fundit të xhiros së gjashtë në Superligën e Kosovës në futboll.
Në Gjilan, Drita pret Prishtinën. Ekipi i Akis Vavalis do të mundohet të marrë tre pikë, pasi edicioni i ri për ekipin gjilanas ka nisur me një “ters” duke marrë vetëm një fitore nga katër ndeshje të luajtura. Derisa Prishtina, pavarësisht udhëtimit të vështirë do të mundohet të marrë rezultat pozitiv nga kjo përballje.
Kampioni aktual, Ballkani pas ndeshjeve në kompeticionin e tretë evropian, i është kthyer Superligës dhe në Suharekë do të ndeshet me Malishevën, ekip ky që ka nisur mbarë edicionin, por gjithëherë ka qenë një arrë e fortë për ekipin suharekas. Ekipi suharekas kërkon të kthehet të fitorja pas një barazimi në Klinë, kurse Malisheva do të mundohet të krijoj një befasi me trajnerin Senad Alirifa.
Derisa në “Përparim Thaçi” Liria dhe Feronikeli ‘74 do të vihen përballë përherë të parë në elitën e futbollit kosovarë. Liria si ekip vendas me mbështetjen e tifozëve do të kërkojë pikët e plota, teksa ekipi nga Drenasi do të mundohet të marrë një rezultat pozitiv dhe ti ik zonës së kuqe. Të tri këto sfida do të zhvillohen me orar të njëjtë, nga ora 15:00.
