Sipas shortit, në mesin e shumë zyrtarëve që do t’i kontrollohet pasuria është edhe kryeministri i vendit, Albin Kurti.
Theksojmë se në pajtim me Ligjin për Deklarimin, prejardhjen dhe kontrollin e pasurisë, dhe deklarimin, prejardhjen dhe kontrollin e dhuratave, Agjencia kundër Korrupsionit ka publikuar dje regjistrat e deklarimit të pasurisë për zyrtarët e lartë publik për vitin 2021.
Për vitin 2021, kryeministri Albin Kurti ka deklaruar se në bankë ka rreth 400 euro.
Ndërsa si pasuri të paluajtshme, kryeministri e ka deklaruar një apartament të bashkëshortes së tij të blerë në vitin 2018 e që ka kushtuar 400 mijë euro.
Ndërkohë, si detyrime financiare Kurti ka deklaruar qiranë e shtëpisë prej 250 euro, ndërsa gruaja e tij ka 290 mijë kredi në Oslo, të marra për 25 vjet.
Kurti i ka deklaruar si të hyra vjetore afër 13 mijë euro e të gruas, afër 40 mijë.
Përveç Kurtit, edhe kryetarit të Kuvendit, Glauk Konjufcës, kreut të PDK-së, Memli Krasniqi, kreut të AKR-së Behgjet Pacollit do t’iu kontrollohet pasuria. /teve1.info/
Kjo është lista e plotë e zyrtarëve shtetërorë që do t’iu kontrollohet pasuria nga Agjencia kundër Korrupsionit.