Kryeministri i Shqipërisë, Edi Rama, e ka uruar shtetin Kosovës për mbështetje nga shumica e Asamblistëve në Parlamentin e Këshillit të Evropës në rrugën drejt anëtarësimit në këtë organizatë, raporton teve1.info
Përmes një statusi në Facebook, Rama ka shkruar se në muajin maj, të gjithë përfaqësuesit në Komitetin e Ministrave duhet të votojnë pro anëtarësimit të Kosovës në KiE, në mënyrë që sipas tij, të plotësohet mozaiku evropian në KiE.
“😍🇽🇰 një hap historik sapo u hodh në asamblenë parlamentare të këshillit të europës për pranimin e Kosovës si anëtar i komunitetit të shteteve të KiE🤝
Urime, urime, urime nga zemra Kosovës dhe faleminderit të gjithë miqve e partnerëve në Asamblenë Parlamentare, që na mbështetën në hedhjen e këtij hapi të drejtë, i cili i dha Kosovës çka i takonte dhe i bëri nder vetë Këshillit të Europës🙏
Tani hapi i fundit historik në maj, në Komitetin e Ministrave, ku të gjithë duhet të bëjnë të vetmen gjë të duhur:
VULOSJEN E KËTIJ ANËTARËSIMI pa të cilin mozaikut europian të Këshillit të Europës i mungon një gur i pamohueshëm dhe i pazëvendësueshëm🇽🇰
Forca KOSOVË❤️”, ka shkruar Rama.
