Kryeministri Kurti po qëndron në Norvegji, ai gjatë ditës u takua me homologun e tij Jonas Gahr Store në Oslo.
Sipas njoftimit të Qeverisë së Norvegjisë, thuhet se Oslo ka shprehur zhgënjimin që Kosova nuk ka lejuar të mbahen zgjedhjet serbe në territorin e saj më 3 prill.
Ai tha se marrëveshjet e arritura deri tash në Bruksel duhet të implementohen nga të dyja palët.
“Çështja mund të zgjidhet vetëm nëpërmjet dialogut të drejtuar nga BE-ja mes Kosovës e Serbisë. Marrëveshjet ekzistuese duhet të implementohen dhe të dyja palët duhet të frenohen nga veprimet që do të dëmtonin besimin e ndërsjellë. Për këtë arsye shfrytëzova rastin gjatë takimit për të shprehur zhgënjimin tim se Kosova nuk po lejon organizimin e zgjedhjeve serbe të 3 prillit në mënyrën e ngjashme siç ishin organizuar zgjedhjet në të kaluarën”, ka thënë Store.
Tutje ai ka thënë se nuk mund të merret si i garantuar stabiliteti në Ballkan Perëndimor, sipas tij “Çështjet e pazgjidhura nga vitet e 90-ta mund t’i vënë sërish zjarr rajonit”.
