Kryeministri në detyrë Albin Kurti, të mërkurën në zyrën e tij ka pritur stafin dhe ekipin e skuadrës kampione në futboll, FC Drita.
Para ndeshjes të së enjtes kundër AZ Alkmaar, në kuadër të Ligës së Konferencës, Kurti priti stafin e skuadrës gjilanase, që po paraqitet suksesshëm në garën evropiane sivjet dhe është shumë afër të kalojë në rrethin tjetër.
“Nga 36 ekipe, FC Drita e Gjilanit renditet në vendin e 8-të në Ligën e Konferencës.
Shanset i kanë të mëdha për kualifikim në fazën tjetër. Përfaqësuesve të klubit, tranjerit, futbollistëve dhe stafit teknik, që i mirëprita me kënaqësi në kryeministri, i shpreha mirënjohjen për përfaqësimin dinjitoz të shtetit tonë.
Bardh e kaltërtit nga Gjilani nesër mbrëma në stadiumin “Fadil Vokrri” në Prishtinë e presin AZ Alkmaar e Holandës në ndeshjen e radhës. Arritja e rezultatit pozitiv do të shënonte tjetër sukses historik për klubin dhe mbarë futbollin tonë. Forca Drita|, ka shkruar Kurti në Facebook.
