“Frikat tona më të këqija tani janë bërë realitet dhe parlajmërimet tona kanë rezultuar tragjikisht të sakta. Presidenti Putin i Rusisë ka nisur luftën në kontinentin tonë evropian. Ai ka sulmuar një vend mik pa provokim dhe pa asnjë justifikim të besueshëm. Raketa dhe bomba të panumërta kanë rënë mbi një popullsi krejtësisht të pafajshme. Një pushtim i madh është duke u zhvilluar – nga toka, nga deti dhe nga ajri”, është shprehur Johnson, shkruan Teve1.info.
Ai tha se bota nuk mund të qëndrojë indiferente ndaj invazionit rus në Ukrainë. Në fund ai tha se misioni i botës demokratike është i qartë, deshtimi i misionit barbarë të presidentit rus, Vladimir Putin.
Johnson ka bërë thirrje që Evropa t’i jap fund varësisë nga nafta dhe gazi rus. Kryeministri britanik gjithashtu ka thënë se është duke punuar me miqtë tjerë për një pako sanksionesh e cila do ta shkatërronte ekonominë e Rusisë.
“Misioni ynë është i qartë, diplomatikisht, politikisht, ekonomikisht dhe qoftë edhe ushtarakisht. Kjo veturë e shëmtuar dhe barbare e Vladimir Putin duhet të përfundojë në dështim”, ka shtuar Johnson.
Kryeministri britanik iu drejtua edhe popullit rus duke thënë se nuk mund ta besojë që kjo gjë është bërë në emrin e tyre. /Teve1.info/
