Përmes një postimi në Facebook, ai u shpreh se Qeveria ka për obligim që të fillojë dialogun social me kërkesat e sindikatave në mënyrë që t’i jipet fund grevës.
“Është detyrë e qeverisë me garantu të drejtën për mesim, për organizim sindikal dhe për greva. Është obligim i qeverisë me fillu dialogun social mi adresu kërkesat e sindikatave, e këshillave greviste dhe mi dhanë fund grevës, duke i rikthyer femijët në shkolla dhe shërbimet në administratë”, thuhet ndër tjerash në postim.
Por, sipas tij Qeveria në vend të dialogut vendosi “mbylljen, presionin e talljen ndaj sindikatave dhe këshillave greviste duke ua pamundësuar marrëveshjen për daljen nga greva”.
Tutje, Sefaj bën të ditur se do ta vazhdojnë grevën duke mbrojtur kështui “demokracinë dhe duke kërtkuar mirëqenie për punëtorët e sektorit publik”.
“Kur qeverisë si bëjnë përshtypje humbjet që mund të shkaktohen nga grevat, por vazhdon me avazin e mbylljes, revanshit dhe linçimit ndaj përfaqësuesve sindikal, është koha e reflektimit. Çka duhet të bëjmë ne, të vazhdojmë grevën, ta mbrojmë demokracinë, të kërkojmë mirëqenie për punëtorët e sektorit publik, ti ashpërsojmë veprimet sindikale, apo ta mendojmë interesin e fëmijëve, qytetarëve, institucioneve dhe atdheut, pasi qeveria ka dalë në serrnishtë dhe si bën përshtypje interesi publik”, shkroi ndër tjerash ai./teve1.info/
