Kryediplomatja kosovare, Donika Gërvalla Schwarz ka pritur në Aeroportin Ndërkomëtar të Prishtinës homologen e saj nga Japonia, Yoko Kamikawa.
Ajo këtë vizitë e ka cilësuar jo vetëm historike por si dhe një hap të rëndësishëm në fuqizimin e marrëdhënieve ndërshtetërore ndërmjet Kosovës dhe Japonisë, shkruan teve1.info
“Sapo prita në Aeroportin Ndërkombëtar të Prishtinës homologen time nga Japonia, Yoko Kamikawa. Kjo vizitë historike shënon një hap të rëndësishëm në fuqizimin e marrëdhënieve të forta ndërshtetërore ndërmjet Kosovës dhe Japonisë dhe një dëshmi e angazhimit të përbashkët për të ndërtuar ura të reja miqësie dhe partneriteti mes dy vendeve tona ,” ka shkruar Donika Gërvalla në Facebook.
Kamikawa do të qëndrojë në Kosovë për vizitë në kuadër të një vizite në rajon dhe ajo përveç Kosovës pritet të vizitojë edhe Italinë, Serbinë nga 15 deri më 21 korrik ,ka njoftuar Ministria e Jashtme e Japonisë.
