Rizvanolli përmes një njoftimi në Facebook ka thënë se është e lumtur dhe e nderuar që dëgjon ministren e Jashtme të Gjermanisë teksa tregon për vizitën e saj gjatë këtij muaji në Kosovë.
Gjatë fjalimit hapës të konferencës ministrja e Punëve të Jashtme e Gjermanisë, Annalena Baerbock, ka shprehur mirëseardhje për ministren Rizvanolli dhe ka treguar për vizitën e saj në Kosovë në fillim të muajit, ku edhe është inauguruar parku energjetik i erës “Selac Windpark”.
“Pasi që këtu të pranishëm janë shumë ekspertë që ndërtojnë sisteme të energjisë solare dhe erës, i ftoj përzemërsisht të jenë me ne dhe të interesohen se si mund t’i ndihmojnë Kosovës, jo vetëm në furnizim me energji, por edhe në aspektin e sigurisë në këtë situatë kritike,” ka thënë Baerbock
Forumi me moton “Nga ambiciet në veprime”, mbledh delegacione të nivelit të lartë nga më shumë së 50 shtete, si dhe përfaqësues nga komunitetet e biznesit,dhe shoqërisë civile.
