Kryetari i Bashkisë së Stambollit, Ekrem Imamoglu ka mbërritur në burg pasi një gjykatë turke e vendosi nën arrest nën akuzat për korrupsion, gjë që shkaktoi shpërthimin e protestave në mbarë vendin.
Imamoglu mbërriti në burgun Marmara të dielën pranë lagjes Silivri të Stambollit. Ai ka bërë thirrje për më shumë protesta mbarëkombëtare.
Gjykata të dielën tha se Imamoglu dhe të paktën 20 të tjerë u burgosën si pjesë e një hetimi korrupsioni. Gjykata në Stamboll nuk ngriti akuza për “terror” ndaj kryebashkiakut 53-vjeçar të burgosur.
Një korrespondent i Al Jazeera, duke raportuar nga Stambolli, ka thënë se disa të akuzuar të tjerë u urdhëruan të liroheshin, në pritje të gjykimit.
Kreu i CHP-së Ozgur Ozel u tha gazetarëve se partia do të parashtrojë apelime ligjore kundër vendimit të gjykatës. Ai tha se këshilli bashkiak i Stambollit tani do të zgjedhë dikë që të punojë si kryetar bashkie në detyrë, ndërsa pret një vendim për Imamoglu.
Kryebashkiaku, një figurë kyqe e opozitës, u arrestua të mërkurën për korrupsion dhe terrorizëm të dyshuar.
Qeveria ka mohuar se rastet janë të motivuara politikisht.
