Kryeministri Albin Kurti, vizitoi sot vendin ku mbrëmë ndodhi sulmi me eksploziv ndaj kanalit të ujit të Ibër-Lepencit. Nga atje, Kurti tha se kriminelët që e shkaktuan këtë sulm do të përballen me ligjin e Kosovës.
Zona u rrethua.
E në vendin ku mbrëmë dyshohet se u hodhën rreth 15 kilogramë eksploziv, shihet eskavatori me të cilin ekipet po kryejnë sanimet.
Kohe pas kohe shihen vetura të shumta të pjesëtarëve të KFOR-it të cilët vazhduan në drejtim të pikës kufitare në Jarinje.
Për të parë nga afër gjendjen, erdhi edhe kryeministri i vendit, Albin Kurti.
Me çizme të gomës, pasi vëzhgoi lokacionin e sulmit, ai e cilësoi atë akt terrorist.
Derisa tha se natyra e këtij sulmit dëshmon se është kryer nga profesionistë.
E nga bordi i ndërmarrjes “Ibër-Lepenc”, u bë e ditur se gjatë këtyre ditëve do të ketë reduktime me ujë.
Për qytetarët të cilët kanë ndërprerje të ujit, Komunat përkatëse kanë njoftuar se do të vendosen cisterna me ujë të pijes.
