Ministrja e Drejtësisë, Albulena Haxhiu ka njoftuar se ka nënshkruar udhëzimin administrativ me anë të cilit krijohet Fondi Emergjent për Nevojat e Viktimave.
Haxhiu ka thënë se ky fond ka për qëllim të sigurojë që viktimat e dhunës në familje, dhunës ndaj grave dhe dhunës në baza gjinore gjatë qëndrimit të tyre në polici të kenë qasje në shërbimet e nevojshme.
“Sot kam nënshkruar Udhëzimin Administrativ, me anë të së cilit krijohet Fondi Emergjent për Nevojat e Viktimave. Ky fond ka për qëllim të sigurojë që viktimat e dhunës në familje, dhunës ndaj grave dhe dhunës në baza gjinore, gjatë qëndrimit të tyre në polici, të kenë qasje në shërbimet e nevojshme. Po ashtu, ky mekanizëm garanton që ndihma për viktimat e dhunës të ofrohet në mënyrë të shpejtë dhe të drejtpërdrejtë”, tha Haxhiu./teve1.info/
