Shehu në një lidhje direkte në Tëvë1, tha se edhe në orë e mbrëmjes ka rritje të nivelit të ujit, teksa potencoi se situata në terren është duke u vëzhguar. Sipas tij, ka përmbytje të tokave bujqësore.
“Edhe në këto momente kemi rritje të nivelit të ujërave për shkak se reshjet janë duke vazhduar. Në terren jemi duke vëzhguar situatën. Në këtë drejtim kemi një përmbytje të tokave bujqësore, por njëkohësisht kemi hyrje në podrume të shtëpive dhe rrugëve. Kemi dëmtime të cilat janë evidentuar dhe po monitorohen sa më afër. Rrugët janë të kalueshme dhe deri tani kemi gjendjen në kontroll. Sonte do të jemi në vëzhgim dhe monitorim të situatës”, deklaroi ai.
Po ashtu, Shehu shton se nuk ka raste të paraqitura për evakuim, ka bllokim të rrugëve.
“Jo për evakuuam nuk kemi raste të paraqitura, por kemi bllokim të rrugëve që po mundohemi të zhbllokojmë në një familje që është në pjesën e largët të Junikut që quhet në Gjocaj. Besoj se shumë shpejt, nesër do të hapim rrugën dhe të ketë qarkullim atje. Për shkak të bllokimit është bllokuar momentalisht”, ka thënë ai. /Teve1.info/
