Kampionja Olimpike dhe një nga figurat më të ndritura të sportit kosovar, Majlinda Kelmendi, feston sot ditëlindjen e saj.
Me këtë rast, Federata e Xhudos së Kosovës i ka dërguar një urim të veçantë kampiones që ka bërë historinë për vendin tonë në arenën ndërkombëtare.
“Urime ditëlindjen, kampionja jonë Majlinda Kelmendi! Sot feston ditëlindjen simboli i krenarisë sonë kombëtare. Me arritjet e saj, lartësoi Kosovën!”, thuhet në urimin e Federatës.
Kelmendi është kampione olimpike, dy herë kampione bote dhe katër herë kampione e Evropës , një ikonë e padiskutueshme e sportit, që ka gdhendur emrin e saj në historinë kombëtare dhe ndërkombëtare.
“Faleminderit që na dhe kaq shumë gëzim, nder dhe emocione të paharrueshme! Urime ditëlindjen, kampione!”, ishte urimi i Federatës.
