Autore: Jona Kelmendi
Për shokët e tyre të luftës që dhanë jetën për tokën e Kosovës, i zgjedhin fjalët më të mira.
Haki Gashi, bashkëluftëtar i Fehmi dhe Xhevë Lladrovcit, mbushet me emocione kur i kujton heronjtë.
Aq krenar është për ta, sa që thotë se Drenasi është i vogël të mbajë heroizmin që la çifti që mbeti në historinë e luftës për liri.
“Fehmi Lladrovci po edhe Xheva janë ndër dëshmorët më të meritum sa që kur flas unë për Drenas thomë që Drenasi është i vogel me pas Xheven edhe Fehmi Lladrovcin u desht me i pas Prishtina, Prizreni, Shkupi po Fehmin bile as Zagrebi”, shprehet Gashi për Tëvë1.
Edhe Ferki Karaxha bashkëluftëtar i Fehmiut e Xhevës thotë që heroizmi tyre kalon çdo kufi dhe ata duhet të mbetën shembull për të gjithë brezat e ardhshëm.
“Kujtimi jonë për Xheven e Fehmin sot e kujtojm si 27 vite me parë edhe pse jo veq na por edhe brezat që do të vinë mas neve duhet të kujtojnë se kan qenë urogana, edhe pse kanë qenë të vjetër i kan pas idealet atdhetare edhe veprimtarë të kombit ashtu qysh kanë qenë edhe ne fund e bonen deken bashk….”, thotë Karaxha.
Në fushëbetejë, Shaban Berishës i jepte kuraje Fehmi Lladrovci ish komandant i Brigadës 114 të UÇK-së, të Zonës Operative të Drenicës.
I ndjeri me bindje të plotë thoshte se luftën për liri do e fitojnë shqiptarët.
“Dalja nga Foreniklli i Ushtrisë Çlirimtare të Kosovës e thirrem Fehmi Lladrovcin ku ishte brenda 5 minutave ishte ne prezencën tonë edhe na dha qaq kurajo tha mos u frikesohuni mos tja u nin se kemi mi zbrpas edhe lufta është e jona. Deri sa u ra edhe vetë kur e kanë vra në pjesën tjetër serbët edhe prej atje ai është vra edhe ka lane amanete që sdihet i plagosun”, kujton fajlwt e Fehmiut, Shaban Berisha.
Me 22 shtator të vitit 1998, krahas Fehmi dhe Xhevë Lladrovcit, ranë edhe dëshmorët Behxhet Karaxha, Milazim Karaxha, Hamit Lladrocvi, Fatime Hetemi e Shefqet Zeka.
