Një ngjarje e rëndë ka ndodhur dje në një familje dje në qytetin e Prizrenit, ku një shtetas turk ka vrarë vajzën e tij 15-vjeçare me thikë, dhe ka plagosur rëndë edhe vajzën tjetër, 10 vjeçe si dhe bashkëshorten e tij e më pas ka vetëlënduar vetën.
Kjo ngjarje ka ndodhur dje në orët e hershme të mëngjesit, në rrugën “Shote Galica”, në disa banesa kolektive.
Policia e Kosovës kanë reaguar me shpejtësi dhe kanë arrestuar të dyshuarin Mehmet Görenç, shtetas turk, i cili dyshohet se me mjet të mprehtë (thikë) ka sulmuar dy vajzat e tij të mitura, dhe gruan e tij.
Sipas ekipit të emergjencës, vajza 15-vjeçare ka ndërruar jetë në vendin e ngjarjes, ndërsa vajza tjetër 11-vjeçare është dërguar me urgjencë në spital, ku po trajtohet për plagë të rënda.
Naser Syla, shef i emergjencës për Tëvë1 ka thënë se gjendja e 10-vjeçares tani është stabile.
“Duke u trajtuar është tek ne. Ta shohim pas ekzaminimeve ku do ta dërgojmë. Sipas të gjitha gjasave në ORL do të shkojë”, tha shkurtimisht Syla.
Zëdhënësi i policisë në rajonin e Prizrenit, Shaqir Bytyqi pati bërë të ditur se i dyshuari ka lënduar veten dhe se ai tashmë gjendet në Spitalin Rajonal të Prizrenit.
Bytyqi tregoj se lëndime ka pësuar edhe bashkëshortja e tij, 35 vjeçare.
Gjithashtu, Prokuroria Themelore në Prizren, Departamenti për krime të rënda kanë dhënë detaje për vrasjen makabre të vajzës në Prizren.
“Bazuar në të dhënat fillestare të hetimit, dyshohet se krimi ka ndodhur brenda rrethit familjar, ku i dyshuari – (shtetas turk), babai i vajzave, dyshohet se me një mjet të mprehtë (thikë) ka privuar nga jeta vajzën e tij rreth moshës 15-vjeçare, e cila ka ndërruar jetë në vendin e ngjarjes”.
Për rastin, ka reaguar edhe presidentja vendit Vjosa Osmani.“Ky nuk është thjesht një krim. Është një akt barbar,” ka shkruar ajo.
