Kryetari i Partisë Demokratike të Kosovës, Memli Krasniqi ka vizituar policin Alban Rashiti, i cili u plagos në sulmin terrorist të mëngjesit të sotëm.
Krasniqi tha se vullneti dhe vendosmëria e tij dhe e kolegëve të tij, për t’i shërbyer vendit dhe uniformës në mbrojtje të sovranitetit dhe integritetit territorial të shtetit, sipas tij, e konfirmon besimin se Kosova “ka ndërtuar institucione të shkëlqyeshme të sigurisë.
“Vullneti dhe vendosmëria e tij dhe e kolegëve të tij, për t’i shërbyer vendit dhe uniformës në mbrojtje të sovranitetit dhe integritetit territorial të shtetit tonë, na e konfirmon besimin se Kosova ka ndërtuar institucione të shkëlqyeshme të sigurisë. Mirënjohje e falënderim për Albanin dhe të gjithë pjestarët e policisë tonë, të cilët gjithmonë janë në shërbim të Republikës së Kosovës”, tha ai./teve1.info./
