Ish-kryetari i Partisë Demokratike të Kosovës, Memlli Krasniqi, ka reaguar pas konstituimit të legjislaturës së dhjetë të Kuvendit të Kosovës, duke iu dëshiruar deputetëve punë të mbarë dhe kurajo për të marrë vendime në interes të qytetarëve dhe shtetit.
Në një postim në Facebook, Krasniqi ka theksuar se në këtë periudhë sfidash, përfshirë fazën përfundimtare të procesit gjyqësor në Hagë, është detyrë institucionale dhe kombëtare e të gjithëve që të sigurojnë mbrojtje dinjitoze dhe qasje të unifikuar në përkrahje të çlirimtarëve, në përputhje me standardet ndërkombëtare të drejtësisë.
Ai ka shtuar se Kosova është më e fortë kur institucionet e saj veprojnë me maturi, unitet dhe përgjegjësi.
“Sot, u konstituua legjislatura e dhjetë e Kuvendit të Republikës së Kosovës. Të gjithë deputetëve të zgjedhur ju uroj punë të mbarë dhe kurajo për të marrë vendime në interes të qytetarëve dhe të shtetit. Në veçanti, deputetëve të Partisë Demokratike të Kosovës ju uroj që ta përfaqësojnë me dinjitet besimin e qytetarëve, të jenë zë i fuqishëm i interesit shtetëror dhe gardianë të Kushtetutës në çdo rrethanë. Në këtë kohë sfidash, përfshirë fazën finale të procesit gjyqësor në Hagë, është detyrë institucionale dhe kombëtare e të gjithëve që të sigurojmë mbrojtje dinjitoze dhe qasje të unifikuar në përkrahje të çlirimtarëve tanë, në përputhje me standardet ndërkombëtare të drejtësisë. Kosova është më e fortë kur institucionet e saj veprojnë me maturi, unitet dhe përgjegjësi. Suksese në këtë mandat të ri, për Kosovën, për qytetarët dhe për të ardhmen tonë euroatlantike”, ka shkruar Krasniqi.
Ndryshe, Kuvendi i Kosovës u konstituua pasditen e sotme, ndërsa kryetare e tij u zgjodh Albulena Haxhiu me 66 vota pro./teve1.info/
