Krasniqi në emisionin “Këndi i Debatit” në Tëvë1, ka thënë se 14 komuna kanë përfituar nga granti i performancës, ku sipas tij, këtë vit e para ka dalë Rahoveci.
“Tani ne kemi 14 komuna nga 38 komuna të Kosovës të cilat kanë përfituar nga granti i performancës. Kjo për shkak të raportimit dhe poenëve të raportimit, mirëpo shto këtu edhe 4 kriteret minimale. E para në këtë vit ka dalë komuna e Rahovecit dhe kështu me radhë shkon 14 komunat e Kosovës. Këtë vit duket që do të kemi problem për shkak se raporti i auditorit është pak më problematik për shumicën e komunave absolute”, ka deklaruar ai.
Ai thotë se në mesin e 14 komunave të Kosovës që janë përfituese, dy janë edhe nga komunat me shumicë serbe.
Krasniqi tha se komunat në veri kanë performancë më të dobët.
“Një numër shumë i madh i komunave këtë vit do të ketë probleme për nga viti 2021. Gjithmonë bëjmë vlerësimin për një vit pas. Në mesin e 14 komunave që janë përfituese në këtë vit, dy janë edhe nga komunat me shumicë serbe. Komunat në veri të Kosovës kanë një cilësi jo të mirë në krahasim me komunat tjera”, theksoi Krasniqi. /teve1.info/