Kryetari i Partisë Demokratike të Kosovës, Memli Krasniqi, ka takuar Komisionerin e Bashkimit Evropian për Fqinjësi dhe Zgjerim, Oliver Varhelyi.
Krasniqi ka bërë të ditur se gjatë takimit kanë diskutuar për procesin e integrimit evropian të Kosovës, përcjell teve1.info.
“Gjatë vizitës sime në Bruksel, takova edhe Komisionerin e Bashkimit Evropian për Fqinjësi dhe Zgjerim, Oliver Varhelyi. Bashkë diskutuam për procesin e integrimit evropian të Kosovës dhe rëndësinë që shteti ynë të mos lihet mbrapa në këtë proces. Për shtetin dhe qytetarët tanë, është tejet e nevojshme që perspektiva evropiane të jetë e qartë dhe e prekshme”, ka shkruar Krasniqi në Facebook.
Njëherit, Krasniqi ka shkruar se për PDK-në, anëtarësimi i Kosovës në Bashkimin Evropian dhe institucionet euro-atlantike, është vizioni, misioni dhe rruga e vetme përpara./teve1.info/.
