Kryetari i Partisë Demokratike të Kosovës, Memli Krasniqi ka njoftuar se të martën ka pritur në takim ambasadorin e Gjermanisë në Kosovë, Jorn Rohde.
Sipas Krasniqit, në takim është diskutuar për zhvillimet më të fundit politike, për qëndrimet e PDK-së, si dhe për rrugën që duhet ndjekur për tejkalimin e bllokadës politike, në përputhje me aktgjykimin e fundit të Gjykatës Kushtetuese.
“E falënderova ambasadorin për mbështetjen e vazhdueshme ndaj Kosovës dhe për zërin e tij të qartë në mbrojtje të demokracisë dhe funksionalitetit institucional”, ka shkruar Krasniqi në Facebook./teve1.info/
