Kryetari i Partisë Demokratike të Kosovës, Memli Krasniqi, ka thënë se Asociacioni i komunave me shumicë serbe, duhet të jetë në pajtim me Kushtetutën dhe ligjet e Kosovës.
Ai këtë qëndrim ka thënë se i ka shpreh edhe të dërguarin e posaçëm për dialogun Kosovë – Serbi, Miroslav Lajçak, me të cilin është takuar gjatë vizitës në Bruksel.
“Zhvillimet e fundit politike në Kosovë dhe procesi dialogut, përfshirë draft-statuti i propozuar i Asociacionit, ishin tema të diskutimit tonë. Edhe një herë, Emisarit Lajçak i ripërsërita qëndrimin tim dhe të PDK-së se statuti i Asociacionit duhet të jetë në pajtim me Kushtetutën dhe ligjet e Republikës së Kosovës, të mos krijojë një nivel të ri të pushtetit dhe të mos ketë kompetenca ekzekutive”, ka shkruar Krasniqi në Facebook, përcjell teve.info
Kreu i PDK-së ka thënë se ka kërkuar nga Lajçak që të ndikojë që Bashkimi Evropian të heqë sa më parë sanksionet ndaj Kosovës./teve1.info/
