Partia Demokratike e Kosovës edhe njëherë dëshmoi se iu shërben interesave të qytetarëve të vendit. Ka shkruar kryetari i kësaj partie, Memli Krasniqi, pasi Gjykata Kushtetuese e shpalli të kundërkushtetues Ligjin për Këshillin Prokurorial të Kosovës.
Krasniqi ka thënë se kryeministri Albin Kurti, është munduar ta vë nën kontroll integritetin dhe profesionalizimin e Këshillit Prokurorial të Kosovës, raporton teve1.info.
“Partia Demokratike e Kosovës edhe njëherë dëshmoi se ju shërben interesave të qytetarëve e të shtetit tonë, duke mbrojtur rendin kushtetues përkundër tentativave të Qeverisë Kurti për ta shkelur atë. Edhe sot, Gjykata Kushtetuese na dha të drejtë, duke e shpallur si anti-kushtetuese përpjekjen e Kryeministrit Albin Kurti për ta vënë nën kontroll dhe për ta cenuar integritetin dhe profesionalizmin e Këshillit Prokurorial të Kosovës. Kushtetuta, si bazament i parimeve të drejtësisë, nuk mund dhe nuk do të lejojmë kurrë që të shkelet nga pretendimet uzurpuese të pushtetit”, ka shkruar Krasniqi në Facebook.
Derisa e ka përmbyllur duke thënë se ngjashëm si në këtë rast, PDK do ta kundërshtojë çdo nismë qeveritare që synon t’ia nënshtrojë të drejtën diktatit të një njeriu dhe qëllimeve autoritare të pushtetit./teve1.info/.
