Kryetari i Partisë Demokratike të Kosovës, Memli Krasniqi ka deklaruar se nuk kanë votë për asnjë kandidat të propozuar nga Lëvizja Vetëvendosje për kryeparlamentar.
Ai ka shtuar se dështimi për ta zgjedhur Albulena Haxhiun si kryeparlamentare e dëshmoi se LVV-ja e ka krijuar bllokadën këto ditë pasi nuk i ka numrat.
“Le t’i provojnë edhe kandidatet tjera, këto telashe nuk mund të ua zgjidhem ne. Krejt bllokada që ka ndodh këto ditë ka ndodhur për faktin që e pamë: këta nuk kanë numra, i kanë pas 52 vota, tash i kanë 57 e nuk do t’i bëjnë 61”, ka thënë Krasniqi.
Ndryshe, Albulena Haxhiu ishte kandidatja e propozuar nga Lëvizja Vetëvendosje për kryeparlamentare tw Kuvendit të Kosovës.
Kjo zgjedhje e LVV-së dështoi pasi duhen 61 vota, ndërsa vetëm 57 deputetë votuan për, 20 kundër, ndërsa 3 deputetë abstenuan./teve1.info/
Albulena Haxhiu nuk votohet për kryetare të Kuvendit të Kosovës
