Kryetari i Partisë Demokratike të Kosovës, Memli Krasniqi, ka shprehur keqardhje për vdekjen e komandantit të parë të KFOR-it pas luftës në Kosovë, Mike Jackson.
Krasniqi ka thënë se roli i tij në ruajtjen e paqes dhe stabilitetit në një kohë sfiduese për popullin ishte jetik.
Po ashtu, ai ka thënë se përkushtimi i tij në bashkëpunimin me krerët e UÇK-së dhe në përpjekjet për paqe do të mbetet gjithmonë i paharruar.
“Me dhembje mora lajmin për ndarjen nga jeta të gjeneralit Mike Jackson, komandantit të parë të KFOR-it pas luftës në Kosovë. Roli i tij në ruajtjen e paqes dhe stabilitetit në një kohë sfiduese për popullin tonë ishte jetik. Përkushtimi i tij në bashkëpunimin me krerët e UÇK-së dhe në përpjekjet për paqe do të mbetet gjithmonë i paharruar. Ngushëllimet e mia të sinqerta për familjen dhe të gjithë ata që e njohën dhe bashkëpunuan me të. Pushoftë në paqe”, ka shkruar ai në Facebook.
Gjenerali britanik Mike Jackson, ka ndërruar jetë të martën në moshën 80 vjeçare.
Ai kishte ushtruar detyrën e komandantit të KFOR-it nga 10 qershori i vitit 1999 deri më 7 tetor të vitit 1999./teve1.info/
