Kryetari i Partisë Demokratike të Kosovës (PDK), Memli Krasniqi, e ka cilësuar historik rezultatin e këtij subjekti politik në zgjedhjet e 9 shkurtit.
Krasniqi falënderoi 200 mijë qytetarët që mbështetën PDK-në.
“Faleminderit! Kjo është fjala e parë dhe më e sinqertë që e ndjej t’ua them pas përfundimit të numërimit të votave. Faleminderit për besimin e rreth 200 mijë qytetarëve që na mbështetën në zgjedhjet e 9 shkurtit. Garuam me kandidatin, vizionin dhe listën më të mirë për Kosovën. Prezantuam projektin më të duhur për zhvillimin e vendit. Dhe u rritëm – me 50 mijë vota më shumë se në zgjedhjet e fundit, një rezultat historik për partinë tonë”, ka shkruar ai në Facebook pasi KQZ-ja shpalli rezultatet përfundimtare”, ka shkruar Krasniqi në Facebook.
Krasniqi ka thënë se PDK-ja nuk e ka mbërritur maksimumin e saj.
“Tani nis akti tjetër – ku me të njëjtën energji dhe përkushtim, ecim përpara! Pas fitores sonë në zgjedhjet lokale, ky është një tjetër hap drejt rikthimit të madh”, ka shtuar ai.
PDK-ja doli e dyta me 20.95 për qind, apo 196 mijë e 474 vota. E para doli Lëvizja Vetëvendosje me mbi 42 për qind.
