Kryetari i PDK-së, Memli Krasniqi ka thënë se Qeveria Kurti policinë e do vetëm për mburrje, pasi sipas tij janë duke e refuzuar ta ndihmojnë dhe forcojnë.
Ai tha se është “e mjerueshme dhe për keqardhje kjo qasje e pushtetit ndaj policëve tanë”.
“Pushteti e do policinë vetëm për mburrje – refuzon që ta ndihmojë e ta forcojë!
Sot, për herë të dytë brenda një jave, Lëvizja Vetëvendosje kundërshtoi Rezolutën e propozuar nga Partia Demokratike e Kosovës, e cila, me miratimin e saj, do të ndihmonte shpejtë dhe konkretisht Policinë e Kosovës. Është e mjerueshme dhe për keqardhje kjo qasje e pushtetit ndaj policëve tanë. Shpejt e harruan sakrificën e Heroit Afrim Bunjaku dhe kolegëve të tij, të cilët, çdo ditë e vënë jetën e tyre në rrezik për të garantuar sigurinë e qytetarëve dhe sovranitetin e shtetit tone”, ka shkruar ai.
Tutje Krasniqi ka të se PDK nuk do tw ndalwt dhe do tw insistojnw përmes të gjitha mënyrave dhe mekanizmave që këtë Rezolutë ta miratojmë.
“Por, PDK nuk do të ndalet. Ne do të insistojmë, përmes të gjitha mënyrave dhe mekanizmave që këtë Rezolutë ta miratojmë. Shtesat për rrezikshmërinë, sigurimi shëndetësor dhe miratimi i Ligjit për pensionim të parakohshëm – janë më të paktat që meritojnë policët tanë”, ka deklaruar ai.