Kryetari i PDK-së, Memli Krasniqi ka thënë se sot ka pritur në takim të dërguarin special të Sllovenisë për Ballkanin Perëndimor, Anzej Franges.
Krasniqi tha se me Franges diskutuan për zhvillimet në Kosovë dhe në rajon.
Tutje, ai tha se se 9 shkurti ishte një dëshmi e pjekurisë demokratike të vendit tonë dhe përkushtimit të qytetarëve për një të ardhme më të mirë.
“Theksova përkushtimin e PDK-së për integrimin euroatlantik të Kosovës, forcimin e demokracisë dhe zhvillimin ekonomik, si dhe vlerësova mbështetjen e vazhdueshme të Sllovenisë për vendin tonë. Në raport me zgjedhjet e përgjithshme, të dërguarin slloven e njoftova se 9 shkurti ishte një dëshmi e pjekurisë demokratike të vendit tonë dhe përkushtimit të qytetarëve për një të ardhme më të mirë”, ka shkruar Krasniqi në Facebook.
