Krasniqi premton mbështetje në përmbushjen e obligimeve kushtetuese dhe ligjore të kryetarëve të rinj
Ministri i Administrimit dhe Pushtetit Lokal, Elbert Krasniqi ka thënë se për kryetarët e komunave Zveçan, Zubin Potok dhe Leposaviq është dita e parë e punës, teksa tha se punën dhe shërbimin duhet t’a kryejnë nga zyret e Komunave bashkë me shërbyesit civilë.
Përmes një postimi në Facebook, Krasniqi ka deklaruar se si ministri dhe institucione qëndrore do t’i japin mbështetje të plotë në përmbushjen e obligimeve kushtetuese dhe ligjore të kryetarëve të rinj, raporton teve1.info
“Dje u betuan edhe kryetarët e komunës së Zveçanit, Zubin Potokut dhe Leposaviqit. Për ta sot është dita e parë e punës. Punë dhe shërbim të cilin duhet ta kryejnë nga zyret e Komunave bashkë me shërbyesit civilë. Ata janë zotuar që do t’i shërbejnë të gjithë qytetarëve pa dallim. Si ministri dhe institucione qendrore japim mbështetjen tonë të plotë në përmbushjen e obligimeve kushtetuese dhe ligjore të kryetarëve të rinj. E si institucione qendrore e kemi obligim që t’ua sigurojmë dhe mundësojmë përmbushjen e këtyre obligimeve”, ka shkruar Krasniqi.
“Komuna është e qytetarëve. Qytetarët nuk mund të mbeten pa komunë”, shtoi ai.
