I ftuar në emisionin “Këndi i Debatit” në Tëvë1, Krasniqi thotë se ka pasur diskutime në Qeveri lidhur me këtë çështje.
“Kjo është përgjegjësi e Qeverisë, ka vendosë të mos ndodhë. Besoj që është dashur të ndodh më herët, me u sqaru më herët, mos me i zënë në befasi, thjesht për ta ruajtuar partneritetin… Unë besoj, jam i sigurt që ka diskutime për çështje jam i sigurt që ka kërkesa për të gjetur modalitete, por që duhet Qeveria të gjejë modalitete por që të mos shkelet Kushtetuta”, tha Krasniqi.
Tutje, ai thotë se në kohën kur nuk u lejua mbajtja e referendumit serb në Kosovë, kanë përkrahur Qeverinë e Kosovës, por që nuk kanë marrë pjesë në seancën e thirrur në Kuvend.
“Ne kemi mbështetur si PDK kemi dalë të parët kur ishte në pyetje çështja e referendumit, por nuk kemi shkuar në seancë kur edhe u kritikuam. Meqenëse vullneti ishte shprehur, ishte një show aty për aty për populizmat e Kurtit sepse ishte panevojshme, por qëndrimin e kishim shprehur para se të takohen presidentja Osmani dhe Kurti me Shtetet e Quintit”, shtoi Krasniqi./teve1.info/
