Kryetari i Partisë Demokratike të Kosovës, Memli Krasniqi ka thënë se konstituimi i Kuvendit është duke u bllokuar qëllimshëm nga Lëvizja Vetëvendosje.
Ai tha se është e pakuptime, e turpshme që sipas tij për teket e një personi, një kandidati, e një deputeteje me mbetë peng shteti.
“Bllokada është e qëllimshme dhe po vjen nga VV-ja si parti e parë që i takon propozimi. Është e pakuptime, e turpshme që për teket e një personi, një kandidati, një deputeteje me mbetë peng shteti. Kjo është pengmarrje e shtetit të Kosovës për tekat e një partie e një kandidati. Kanë pasur mundësi që ta ndërrojnë kandidaten sepse nuk imponohen kandidati kur s’e ke shumicën parlamentare. Problemi është që këta nuk e kanë shumicën, nuk kanë numra për Qeveri dhe fakti që Albin Kurti s’mundet me qenë kryeministër i ardhshëm është duke i mbajtur peng institucionet dhe shtetin”, ka thënë ai pas dështimit të seancës për konstituimin e Kuvendit.
