Kryetari i Partisë Demokratike të Kosovës (PDK), Memli Krasniqi, është shprehur i prekur nga vdekja e tre të rinjve që ranë me veturë mbrëmë në liqenin e Badocit.
Krasniqi iu shprehu ngushëllime familjeve të viktimave.
“Lajmi tragjik për humbjen e jetës së tre të rinjve, mbrëmë në një aksident të rëndë pasi që vetura e tyre ra në liqenin e Badocit, na ka tronditur të gjithëve.
Në këto momente të dhembjes së madhe, jemi pranë familjeve dhe miqve të Rifatit, Arditit dhe Shpatit.
Ngushëllimet më të thella të gjithëve!”, ka shkruar kryetari i PDK-së.
Ndërkohë, zëdhënësja e policisë për rajonin e Prishtinës, Flora Ahmet për teve1.info ka bërë të ditur se lidhur me këtë rast kanë nisur hetimet për të zbardhur rrethanat e aksidentit.
“Mbrëmë rreth orës 23:00 kemi pranuar informatën se në rrugën Gjilan -Prishtinë, ka ndodhur një aksident trafiku me pasoja fatale. Në këtë aksident, ka qenë i përfshirë, një automjet në lëvizje. Si pasojë e aksidentit kanë mbetur të vdekur tre persona. Vdekjen e viktimave e ka konstatuar ekipi mjekësor në vendngjarje. Aktualisht policia ka nisë një hetim për zbardhjen e rrethanave që kanë quar deri te ky aksident trafiku”, ka thënë Ahmeti./teve1.info/
