Kryetari i PDK-së, Memli Krasniqi ka thënë se i takon partisë që propozon kryetarin e Kuvendit që t’i sigurojë votat.
Ai nuk i ka përjashtuar zgjedhjet si opsion, nëse dështon zgjedhja e kryetarit të Kuvendit.
“Edhe sot ne jemi këtu për të mundësuar konstituimin e kuvendit dhe për të ecur përpara. Normalisht që për të zgjedhur kryetarin e kuvendit është përgjegjësia e atij që e propozon dhe besoj që atyre i takon t’i bëjnë votat nëse munden, nëse jo atëherë unë besoj që duhet me mendu edhe për opsione tjera të cilat parashihen me kushtetutë dhe me ligj”, tha ai para mediave.
