Kryetari i Partisë Demokratik të Kosovës, Memli Krasniqi në emisionin “Këndi i debatit” me Dukagjin Maliqin në Tëvë1, ka folur për marrëveshjen finale me Serbinë.
Sipas Krasniqi nuk duhet të ketë me marrëveshje të ndara me Serbinë në kuadër të dialogut të Brukselit. Por se marrëveshjet për çështje të caktuara duhet të përfshihen në marrëveshjen finale e cila përfshinë njohjen reciproke mes të dyja shteteve dhe nuk duhet të cenojë Kushtetutën apo sovranitetin e Kosovës.
“Nuk duhet të ketë marrëveshje të ndara më. Ne nuk mund të vazhdojmë të themi ejani të merremi vesh për këtë apo atë çështje. Besoj që çështjet duhet të dakordohen por duhet të jenë pjesë e marrëveshjes gjithëpërfshirëse. Ne mendojmë se duhet të ketë një afat për arritjen e marrëveshjes pasi do të kishte një presion pozitiv për palët”, ka deklaruar Krasniqi.
Ndërsa, duke folur për çështjen e themelimit të Asociacionit të Komunave me Shumicë Serbe, Krasniqi ka thënë se Asociacioni duhet të jetë sipas vendimit të Gjykatës Kushtetutës së Republikës së Kosovës. /Teve1.info/
