Kryetari i Partisë Demokratike të Kosovës, Memli Krasniqi, sot ka vizituar ambasadën e Maqedonisë së Veriut në Prishtinë, ku nënshkroi Librin e Zisë në shenjë ngushëllimi për jetët e humbura në tragjedinë e rëndë që ndodhi në një diskotekë në Koçan të Maqedonisë së Veriut.
Në mesazhin e tij, Krasniqi shprehu dhembjen dhe solidaritetin e tij me familjet e viktimave dhe me gjithë popullin e Maqedonisë së Veriut në këto momente të rënda zie.
Partia Demokratike e Kosovës i shpreh ngushëllime familjeve të viktimave dhe qëndron në solidaritet me popullin e Maqedonisë së Veriut./teve1.info/
