Krasniqi ka njoftuar se gjatë takimit me Szunyog është shprehur se Kosova do të jetë gjithmonë e rreshtuar përkrah vlerave evropiane, shkruan teve1.info.
“Ambasadorit Szunyog ia ritheksova se Kosova do të jetë gjithmonë e rreshtuar përkrah vlerave evropiane, si një synim i palëkundur për integrim e zhvillim, dhe Partia Demokratike e Kosovës si lidere e opozitës do të vazhdoj të jap kontributin e saj në këtë mision” ka shkruar Krasniqi.
“Gjatë këtij takimi diskutuam edhe për agresionin e Rusisë në Ukrainë, ndërsa u vlerësua qëndrimi i Kosovës e cila nëpërmjet Rezolutës së Kuvendit ishte në linjë me politikën e jashtme të Bashkimit Evropian dhe NATO-s”, ka shkruar ai në Facebook.
