Përmes një postimi në Facebook, Krasniqi u shpreh se gjatë takimit kanë biseduar për proceset integruese të Kosovës.
“Gjithmonë kënaqësi ta pres në takim Ambasadorin e Mbretërisë së Bashkuar në Kosovë, Nicholas Abbott. Me ambasadorin Abbott diskutuam për thellimin e bashkëpunimit mes dy vendeve tona, posaçërisht për proceset integruese të Kosovës, për të cilat Mbretëria e Bashkuar ka qenë gjithmonë mbështetëse e madhe”, shkroi ndër tjerash ai.
Tutje, ai thotë se ka falënderuar ambasadorin për përkushtimin e tij për Kosovën dhe se ka folur për kontributin e PDK-së në proceset e interesit shtetëror.
“Ambasadorin Abbott e falënderova për përkushtimin e tij edhe personal për Kosovën dhe e sigurova që PDK, si lidere e opozitës në vend, gjithmonë do të jap kontributin e saj për proceset e interesit shtetëror. Kosova është me fat që në rrugën e fuqizimit të shtetësisë, krahas vetes ka aleat si Mbretëria e Bashkuar dhe ambasadori Abbott”, njoftoi ai./teve1.info/
