Kryetari i PDK-së, Memli Krasniqi, gjatë qëndrimit në Bruksel, është takuar me liderën e opozitës bjelloruse që vepron në ekzil, Sviatlana Tsikhanouskaya, për të cilën tha se është një grua e guximshme.
Krasniqi ka shkruar se Tsikhanouskaya është e vendosur që të ballafaqohet me të gjitha sfidat e mundshme – për një të ardhme më të mirë dhe më demokratike për Bjellorusinë.
Ai i ka shprehur asaj konsideratën dhe solidaritetin e plotë.
“Kur në zgjedhjet presidenciale të vitit 2020 në Bjellorusi, bashkëshorti i saj si kandidat për President u arrestua nga regjimi diktatorial i Lukashenkos, Sviatlana Tsikhanouskaya u bë lidere e opozitës dhe hyri vet në garë si kandidate. Sot, edhe pse e detyruar të largohet nga vendi i saj, nga shumica e shteteve demokratike ajo njihet si Presidente e Zgjedhur – lidere legjitime e Bjellorusisë”, shkruan ai mes tjerash në Facebook. /teve1.info/
