Kryetari i Partisë Demokratike të Kosovës (PDK), Memli Krasniqi, ka kujtuar ish-presidentin Ibrahim Rugova, në përvjetorin e 18-të të vdekjes.
Krasniqi thotë se vizioni i Rugovës për orientimin euro-atlantik të Kosovës duhet vlerësuar gjithmonë.
“Në 18 vjetorin e vdekjes së ish-presidentit Ibrahim Rugova, kujtojmë dhe nderojmë figurën e tij dhe angazhimin e gjatë politik për shtet të pavarur dhe sovran. Vizioni i tij për orientimin euro-atlantik të Kosovës duhet vlerësuar gjithmonë, ashtu si edhe shembulli që dha në kultivimin dhe ruajtjen e raporteve të mira me aleatët e shtetit tonë”, ka shkruar Krasniqi në Facebook.
Tutje, ai ka thënë se vepra intelektuale dhe politike e tij ka lënë gjurmë në historinë e popullit të Kosovës.
“Vepra intelektuale dhe politike e Dr. Ibrahim Rugovës ka lënë gjurmë në historinë e popullit tonë dhe si e tillë mbetet e veçantë, si një kontribut i çmuar në arritjen e qëllimeve tona për liri dhe pavarësi”, ka shkruar tutje i./teve1.info/
